Маңғыстау облысының білім басқармасының Ақтау қаласы бойынша білім бөлімінің «№17 «Күншуақ» бөбекжайы» жедел басқару құқығындағы мемлекеттік коммуналдық қазыналық кәсіпорнының ресми сайтына хош келдіңіздер! Біздің веб-сайт беттерінде біз сізге «Күншуақ» бөбекжайы туралы мүмкіндігінше егжей-тегжейлі айтып беруге тырысамыз. Сізге бөбекжай жұмысы туралы толық ақпарат беріледі. Сонымен қатар, сіз біздің бөбекжай педагогтерімен сырттай таныса аласыз. Біз өз жұмысымызда әрқашан «Өзіңді үйіңдегідей сезін!» деген сөз тіркесін орындауға тырысамыз. Сондықтан да біздің бөбекжайдың жылы, жайлы атмосферасы әрбір балаға ұнайды. Бөбекжай жобалық қуаты - 280 орындық. Қазіргі таңда бөбекжайда - 272 бала тәрбиеленуде. Бөбекжай екі тілде: мемлекеттік және орыс тілдерінде жұмыс жасайды. Бөбекжайда тәрбиеленушілердің мектепке дейінгі ұйымда тәрбие мен білім алулары үшін барлық жағдай жасалған. Атап өтетін болсақ әдіскерлерге арналған кабинет – 1; қазақ тілі кабинеті –1; психолог кабинеті – 1; музыкалық зал – 1; бейнелеу өнері кабинеті – 1; дене шынықтыру залы–1; логопед кабинеті -1; медициналық кабинет -1; оқшаулау бөлмесі -1, 10 топ бөлмелері (қабылдау, ойын, жатын бөлмелері) және 2 жастан 6 жасқа дейінгі балаларға арналған консультациялық пункт бар. Бөбекжайдың жылдық мақсаты: Мектеп жасына дейінгі балалардың ӨТШТ технологиясын (ТРИЗ) қолдану арқылы коммуникативтік және шығармашылық қабілеттерін дамыту. Бөбекжайда өткізіліп жатқан барлық іс-шаралар бөбекжай сайтында, Facebook, Instagram әлеуметтік желілерінде жарияланып отырады. Бөбекжай ұжымы тәрбиеленушілерінің өмірі мен денсаулығын басты назарға ала отырып, жұмыс жасайды.
Ағымдағы жылдың 24 сәуір күні «Мектеп жасына дейінгі балалардың шығармашылық және коммуникативтік дағдыларын интеграциялау» тақырыбында облыстық вебинар өтетіндігін хабарлаймыз.
